Comment
Google සමාගම විසින් ඔවුන්ගේ ලැප්ටොප් මෙහෙයුම් පද්ධතිය වන Chrome OS සඳහා නව සංස්කරණයක් හඳුන්වා දී තිබෙනවා, ඒ Chrome OS Flex යනුවෙන්.
මෙම නවමු සංස්කරණය නිමවා ඇත්තේ පාසල් සහ කුඩා ව්යාපාර වෙනුවෙන් වන අතර විශේෂත්වය නම් එය officially PC සහ Mac පරිගණක සඳහා සහය දැක්වීමයි.
මීට කලින්, පැරණි PC එකක හෝ Google විසින් අනුමත නොකරන ලද device එකක Chrome OS install කිරීමට නිත්යානුකුලව අවසර හිමි නොවුණ අතර, Linux OS එකක් හරහා, Chrome OS install කිරීම කළ හැකි වූවත් ඒ සඳහා Play Store සහය ලබා ගැනීම ප්රශ්නකාරී වුණා.
එනම්, Google අනුමත නොකරන ලද device එකක Chrome OS හා Play Store භාවිත කිරීම ඔබේ Google ගිණුම අක්රිය කිරීමට හේතුවක් ලෙසයි Google සමාගම දන්වා තිබුණේ.
මෙම නව Chrome OS සංස්කරණයත් සමඟ එම බාධා ඉවත් වනවා.
Google සමාගමට අනුව, Chromebook එකක් මත run කරන OS එකක් හා මේ සංස්කරණය අතර වෙනසක් නොදැනෙනු ඇති. එසේ වූවත්, ඇතැම් විශේෂාංග පරිගණකයේ දෘඩාංග (hardware) මත වෙනස් විය හැකි බවත් ඔවුන් දන්වා තිබුණා.
ඔබට මෙම නව Chrome OS සංස්කරණය අත්හදා බැලීමට අවශ්ය නම්, Chrome Enterprise වෙබ් අඩවියෙන් ඒ සඳහා ලියාපදිංචි වී image එකක් බාගත කර ගෙන සාමාන්ය පරිදි USB boot එකක් කළ හැකියි.
කෙසේ නමුත් මෙම OS එක තවමත් සංවර්ධන මට්ටමේ පවතින නිසා ඔබට බොහෝ bugs බලාපොරොත්තු වෙන්නට සිදු වේවි.
Source: Chrome Enterprises
from Android වැඩකාරයෝ - Sinhala Tech News provider https://ift.tt/gy5JFcb
via IFTTT